美甲達人俱樂部 (茱式會社): EZflow 水晶宮佳麗大全

為左今日呢個網誌, 都不知用左幾多個小時﹑幾多水晶水﹑幾多水晶粉。

為左方便大家更加了解自己手上既材料顏色, 等你地再一次 “寵幸” 佢地。

就算未有既, 都可以先了解佢地既用處及真實色彩, 先至決定 “召佢地入宮”。至於同牌子但太廢柴既我就唔會介紹了, 因為我自己都唔會有, 介紹既都係我經常使用既系列來的。

就當係我茱迪給大家於美甲材料上一點點既提議及參考, 小小心意,唔成敬意~!

第一套係 EZflow Carnival 嘉年華璀璨系列

以下呢套色粉好多同學仔手上已經有了, 呢套粉絕對係適合新手上路的,就算係我呢D老手, 都仍然深愛著佢!

當中值得一提既係其中三位佳麗, 絕對係打遍天下無敵手, 仲係長期o係我工作台上既三位寶貝, 就係大家成日都見我用既 Dancing in the street (冰白), 墊底一流! Carnival Queen (閃銀) 同 Show me your beads (白閃), 可以話係百搭之中既百搭! 配任何顏色都絕對無問題! 所有牛頭馬面核核突突既色, 只要有呢三位佳麗就一定醜女都變索女啦!

以下呢對手就係用左Dancing in the Street 冰白墊底王, 加Show Me your Beads白閃精製而成!

第二套係 EZflow Rainbow Candy 彩紅糖果系列

以下呢套粉係比較得意, 你想深色D, 就用多D, 你想淺色D咩, 就拍少D上去, 用佢墊底之後上面雕花或者彩繪都係一絕! 但用起上黎時就要小心D, 因為都幾 “污糟” 的, 做漸變時要小心一D, 唔好瀨曬上甲床就OK!

以下呢套甲就係用左 Rainbow黎墊底上面再做彩繪的。

第三套係 EZflow Walk of Fame 激閃璀璨系列

以下呢套粉係EZflow系列中最閃的, 鐘意 “高調” 既人就岩曬! 不過質地會比較鬆散, 所以用起上黎唔可以太大力, 否則期間會有D窿窿透左, 如果唔想有窿窿, 可以搵有色既水晶粉墊一墊低來代替透明, 效果會好好多! 除左一般既漸變, 仲可以用佢黎畫下線條架。

以下呢套手就係用左激閃既示範作。

第四套係 Time to Shine 閃亮時代系列

以下呢套粉曾經被我形容為 “貪to屣”, 但漸漸我都覺得佢其實幾可愛,佢有幾隻主打色同閃亮效果係其他系列比唔到既, 仲要幾隻主打顏色 (紫﹑藍﹑粉紅) 可以用在一隻甲上面都絕對唔會有格格不入既感覺, 值得一提既就係Decision Decision 呢隻奶茶色, 上手後超自然, 想呃到人唔想太高調比人知你做左甲? 呢隻就冇走雞了!

以下呢對就係用左 Time to Shine 我所講既3粒主打顏色用埋同一隻甲都襯到絕既示範作。

第五套就開始講雕花粉勒。以下呢套就係幾乎大家都有既 "EZflow Pastel Flower" 柔彩雕花系列

雖然呢套話就係雕花粉, 但同時間可以做埋柔和BB Feel既底色, 佢屬於快乾既粉, 同參賽白係同類的, 如果識雕花既話, 都會鐘意呢個, 因為唔使等太耐, 其實呢套新手都岩用的, 只係識唔識用咁解。做底色既秘訣就係水份濕多少少, 快少少完成就OK, 雖然聽落好似 "鬼唔知咩"

但一次生, 兩次熟架姐~~~!

呢套就係 Pastel Flower 全程做曬底色加雕花既示範作。

第六套都係雕花粉, 呢套比較 "熱情", 亦都可以用黎做底色, , 顏色比較鮮艷的,
"EZFlow Gemstone 寶石雕花系列", 而呢套雕花粉最好既地方就係, 可以同以上Pastel Flower做一個對比顏色, 用來染色一流! 例如雕塊花辦, 可以用Pastel既淡黃點一點Gemstone既鮮黃, 會有一個陰陽效果!

以下呢套手就係混合Pastel Flower, Gemstone 雕花粉做出底色再做內藏的示範作。

第七套- "EZflow Murano Glass", 呢個內裡有一D類似Natural 粉既元素 (平時我叫人唔好買......... 咁多, 因為Natural粉係磨砂玻璃咁樣減低左閃甲既閃光度的), 但如果你要唔閃既漸變, 佢就係一種可以話係有顏色既Natural 自然粉。做漸變就算紅色, 一D難度都冇! 出到黎效果係超級溫溫柔柔既Feel~! 又唔會好實, 望埋去好似綿花糖咁款~!