第32屇亞洲髮型化妝大賽 - Design Nail Sculpture

今次比賽, 我覺得幾有意義!  因為有好多Blog友參加!  好幸運地, 我今次比上次進了一點, 拿了亞軍!

今次都係玩我喜歡的 "Design Sculpture" 花款設計殖甲比賽, 也是照上年的舊規舉, 賽前預備左手, 現場比賽要於1.5小時內做右手。

但你地唔好以為我有參賽經驗會唔驚, 我個震樣驚樣, 比我個Model - 維拉妮卡睇曬!  好似提前柏甘遜病發作咁樣!

 維拉今次既任務除左做我Model之外, 做埋我既 "保母" 似的, 陪賽陪企陪"支力", 做埋計時員, 仲有當我最驚慌時, 做埋心理輔導!

諗起都好攪笑!

原以為自己帶齊曬工具, 點知之前果日將d野拎出拎入之際, 連支透明光油都漏埋, 仲坐定粒六以為自己乜都齊.... 臨比賽前3分鐘先知道冇左支光油!!

 好彩急Call 好友阿甘比救命!  真正感覺到乜野叫做 "出外靠朋友"!  多謝你呀 "甘比"!  在百忙之中幫我挖支光油比我!

以下呢張相, 好多謝 老鬼幫我影到鬼咁靚, 多謝埋Miracle Nail Art 傻婆借埋個好舒服又冇人騷擾既屋企比我預備賽前既手!  以下就係老鬼攝影高手下既杰作!

今次比賽既冠軍係大家都知道的 "隊長J - Joe", 相信平時也有很多人在我口中也聽過我讚她的作品很出色, 今次比賽作品也不例外, 看得個個都豎起手指公! 

所以她今次拿冠軍實在係實至名歸的, 我諗如果上年她有份出賽的話, 一定同日本妹有得揮!  可能我連 "優異獎" 都冇得囉!  以下係冠軍作品, 特意將幾張相剪埋一齊, 等大家睇到佢既無比創意及令人嘩然的細緻!

經過今次之後, 深深感受到比賽都係需要 "天馬行空"的, 冠軍就做到呢樣野了, 可能我個人係處女座, 乜都要齊齊整整, 連十隻手指望上去都要齊齊整整, 以下係我既亞軍作品, 睇上去花款比較平均, 所以欠缺了 "大膽"這個元素。  但平時種開花既我, 叫我雕花以外既野等如叫我去死...

, 所以今次其實我都走出了自己的框框, 做左d平時唔做既野架啦...

中指一邊係魔鬼魚, 一邊係 "土尤蒸肉餅" 果塊 "土尤"~ 係老鬼幫我諗的!  好可愛啊!!!  多謝老鬼!

季軍是一個台灣人, 她的用色也很豐富, 但題材則欠缺了一點新意, 但整體上比起其它的參賽者既作品, 複雜程度也優勝的。

以下係另外兩位參賽者的作品, 下圖是台灣參賽者。

下圖是香港參賽者。

除了我地三位之外, 仲有魚仔都有參加Design Sulpture比賽, 沒有她的相片, 因為她的Model因急事於賽後立即閃人....。

發甲癲也有參加 Fantasy Nail Art, 她做的一舊舊 (我至怕果d), 真係做得很細緻!  今次她玩Afternoon Tea!  做埋拉閘放狗!  同埋我知道她於短短幾天時間內完成, 少d精力都唔掂!  辛苦了!

以下係頒獎相片, 多謝魚仔幫我渣機影相啊!

冠亞季軍大合照, 皆大歡喜!

多謝維拉妮卡, 陪我癲左一整日, 賽後我倆都虛脫了!

**幫我多謝埋 "阿妹" (你個大眼囡囡)比我玩左兩隻手指! 

好開心既係, 今次我, 太太Maggie同青青每人拿了一個不同等級的獎項, 青青拿了法式冠軍! 太太拿了法式季軍~~ 真係好開心啊!!

右二的靚女便是我們的老師Mandy 美甲少林寺的曾主持, 今次比賽, 她的學生在不同項目中拿了冠亞季軍, 我們沒失掉老師的面子啊!

今次比賽已經係我美甲生涯中第4個比賽, 已經玩夠了, 所以今次亦係我最後一次參加比賽, 打後比賽既網誌, 得靠各位美甲戰士繼續了!

** 還有, 我都多謝我的老公, 他從來對我美甲也沒甚興趣不聞不問的, 但昨日臨出門前, 他竟然說: "老婆! 加油啊!"

嘩, 果下好霖!  多謝你啊老公! (不過我係唔會對佢講的! 心照算了~! )