祝大家美甲快樂~!

2013年9月19日 星期四

第六屆中華兩岸大賽 報捷消息

又黎啦~!  又係報告茱式會社成員既報喜網誌。
今次係o係 花式光療樹脂甲比賽中, Milk Chan 牛奶陳 得到亞軍, 以及 Angel Lee 天使李 得到季軍! 恭喜恭喜! 
今次呢個比賽勝出難度都幾高, 因為眾所周知, 中國﹑台灣既好多都係高手, 成棚人為呢個比賽飛過黎, 包括成隊參賽者同埋評委, 幸好今次我地兩位茱式會社成員都唔弱!
今次既比賽Model都係上次同佢地兩位出生入死既茱式會社同學仔黎架!  今次又陪住兩位參賽者大戰台灣﹑中國﹑澳門既參賽者, 直頭好似去參加中華小姐一樣! HAHAA~~~!
另外, 都恭喜我既好朋友 -- 青青奪得平面彩繪組既亞軍! 以及青青的學生 -- 叻叻奪得平面彩繪組既優異獎! 
Milk Milk做的超長神秘黑夜主題既Gel甲。呢套甲有個小插曲, 就係同今次該項的冠軍原本是同分的, 就係因為咁, 台灣﹑中國﹑香港評委要再投票 (我冇份評呢項), 最後係中國﹑香港評委投我們Milk Milk 一票, 二比一, 原本贏了冠軍!  之後台灣評委吵到面紅耳赤, 最後要出動到最高層再次投票, 今次Milk Milk 一票之差屈居亞軍.............  其實 在我們心目中, 已經係冠軍黎架啦!  但我地絕無氣餒, 仲都比我地見識到一些難得一見既場面
, 證明我們香港參賽者已有一定水準, 最起碼, 有人為我們吵到面紅耳赤! Milk, 我地個個都會支持你的!
Angel 今次參賽既超長尖既花蝴蝶Gel甲。Angel仲係o係比賽前一晚落飛機, 玩到散曬返黎仲有力打低其他對手取得季軍, 你話幾勁!!!!???
今次榮幸獲大會邀請, 代表香港做美甲評委。
以下呢位就係我既台灣老師, 台灣著名美甲學校 Camden Nail 既負責人, Lily老師。
今次既參與我亦都獲益良多, 大開眼界!  我地香港既美甲師要爭一口氣, 下次要多D人參與, 講到尾, 好想香港隊"疊馬" D!!





沒有留言:

張貼留言