昨日8月3日第4屆香港專業美甲公開賽比賽圓滿結束~!
我們茱式會社參賽者同Model 十幾人在九龍展貿中心參加比賽, 其實昨日就好似一個 小型集會咁, 因為Model們9成都係茱式會社既同學們義勇相助的! 昨日有D互相未見過面但成日聽我地口邊講名都有機會見到真身啦!
今次好幸運地茱式會社既 "茱女", 都有非常之唔錯既成績, 不枉佢地練到筋疲力盡, 對佢地自己同家人都有一個交代啦! 恭喜恭喜~!
右起: Angel 法式水晶甲學生組冠軍, 法式光療樹脂甲學生組季軍
右二: Joyce 綜合甲藝 (平面彩繪﹑雕花﹑立體花) 公開組季軍
左二: Milk 法式水晶甲學生組季軍
連我地茱式會社都獲得團體嘉許狀忝喎!
我地真係勝在夠齊心, 參賽者同Model九成都係茱式會社既人呀~! 仲有其他Model都係兩脇插刀對參賽者陪足全場! 多謝曬你地對參賽者既支持呀~! 以下呢張好似人好多, 但其實未人齊, 因為那時候有D比緊賽, 所以未能一齊合照...
呢張咁岩影曬參加法式水晶甲比賽既同學仔!
今次參加人數都唔少, 仲有好強勁既搶獎國家 -- 日本... 所以要跑出真係一D都唔易!
雖然今次比賽未能夠全數茱式會社既成員可以取得名次, 但呢次比賽難度比較高, 時間亦比其他比賽緊迫, 所以能夠完成賽事已經好叻! 而今次比賽絕對係一個非常之好既經驗來的, 可以話大家都成長不少! 包括我!
其實學美甲或從事美甲並唔係只為參加比賽的, 比賽只係一種試鍊, 得到獎固然係錦上添花, 但得唔到獎亦唔代表做得唔好的, o係人生既經歷當中有過呢D經驗已經係美好回憶, 大家努力繼續練功, 將美甲呢個專業發光發亮吧!
沒有留言:
張貼留言