好耐好耐都未寫過美甲比賽既網誌啦~~! 自從o係08年我宣佈金盤洗手之後, 一直都未有留意過美甲比賽既消息, 直至 茱式會社 (我既俱樂部既新朵! 個名真係好聽~~~!
)既全科美甲畢業生001 長甲婦人剛剛完成課程後, 感覺好空虛時, 適逢有個美甲比賽, 於是我就叫佢: 你寂寞嗎~? 不如試下咯! 就係咁.......... 呢位婦人..就玩大o左.........
以下就係長甲婦人Joyce於2011香港美甲化妝公開賽得到亞軍的作品及相片, 真係一個難忘的第一次~! 梗係難忘啦! 第一次比賽就拎個亞軍, 你話幾勁?
得獎作品, 就係用我地新召入水晶宮既Camden金屬佳麗既雕花粉做成的, 效果同一般雕花粉做出黎感覺不一樣! 長甲婦人Blog裡有更多照片, click me!
完左上面呢個比賽之後, 呢位長甲婦人又再身痕, 事隔一個月, 就參加左亞洲髮型化妝大賽既美甲比賽, 佢直頭一呼百應, 連帶另外3位同學又身痕! 但係佢地唔係玩我擅長既內雕, 而係法式!! 真係呢個月以黎, 個個 "法癲" 咁練練練~~~~!
至於點樣 "法癲" 法, 要由佢地分享比大家知啦! 大家係咪好奇怪點解佢地唔玩 Design, 走去玩法式?? 原因好簡單! 就係可以唔使諗野喎!! 你地話係咪離譜丫~~!
做得佢地既 "阿茱媽", 我唯一可以做既就係 "陪法癲"!! 幫佢地不斷執正各方面既野﹑安排Model練習同比賽, 幸好Model們大多是 茱式會社 既同學仔, 個個都好熱心幫忙, 仲有叫佢地返黎 "娘家" 練習, 唔使佢地 "拋頭露面"!
於是, 我呢個Design 人不知不覺就訓練出 4位法式參賽同學, 佢地仲衣錦還鄉! 每人拎住隻獎杯返屋企同佢地家人交代呢個月既努力成果! 仲有! 佢地除左Joyce之外, 個個都係第一次參加比賽架咋~~~~!
雖然佢地做既唔係最完美, 但個個都見得人還得神架!!
在台下等宣佈賽果的一刻無無聊聊就影下相啦~~! 個個順順利利完成呢個令人心驚膽跳既賽事, 都掩住半邊咀笑左出黎啦!!! hahhaaaahhaaa (成班都係癲既.........
)
就係因為今次比賽, 不論係參賽既同學同埋眾Model同學們感情誇了一大步! 係呢次比賽既最大得著! 至於佢地各自既 "奮鬥史" 點辛酸法, 就由佢地自己向大家盡訴心中情啦~~~!
沒有留言:
張貼留言