原野中的馬蹄蘭

剛剛做完了一套EZflow Earthstone的色彩示範, 其中一個組合我都好鍾意~!  就係紅白黑的漸變組合。 要知道黑同白, 紅同白, 這兩組色對比都是比較難攪的, 因為色差太大, 但當三個難攪既色都融和在一起既時候, 原來係好優美的, 有著一絲原始的味道, 就像在森林裡由天光慢慢等至天黑既感覺, 就算我再鍾意大中小寶, 也是輕輕幾片扮下星光就好, 最緊要唔好遮擋那個用心經營的漸變效果。  這個浪漫意境之下, 已經不需要有什麼十指彩繪, 十指雕花的點綴, 只要一指誇張的便非常足夠, 否則就會畫蛇添足o架啦。

花方面, 我都R了好半天頭, 唔知雕乜野好, 五瓣花太可愛...唔好!  玫瑰??  做得太多了!  No Way....  於是就雕了大碼的馬蹄蘭, 加一堆在床下底摷出來仲要拍一拍塵既水鑽~!  平時唔鍾意痴石的我, 都覺得今次有點需要。 但貼石還貼石, 唔使十指都貼曬, 否則冇左個"主角" 意思了。

今次呢套甲我都夠 "博命", 由於我甲床天生異短.... 我就用Cover Pink 裝了個漸變的長甲床, 再做到個長度是EZflow 的 L , 感覺上就似著了一對表演級的高跟鞋一樣, 相比起平時見到那些插死人的又長又尖想殺人般美甲相, 我呢個都算係"規舉之內"架啦。

是日材料:
EZflow Earthstone (Onyx 黑, Rose stone 橙紅, Granite 白)
EZflow Carinval (Dancing in the street 冰白, French Quarter 流沙粉紅)
雕上大碼馬蹄蘭, 再加水鑽點綴即成。