Camden Golden & Baby 美甲佳麗大全

茱迪真係一D都唔會偏心, 只要一有佳麗入宮, 我就會盡情咁寵幸佢地一番, 玩到佢地反轉再反轉~~!  

由於佳麗眾多, 所以都同佢地分番開兩大品牌既用品作一個詳細分析同示範, 一來我會對手上既顏色更有深入既認識, 二來要再提高佢地既可塑性, 等佢地可以盡情於美甲上發揮所長啊!

Camden Golden Time 金色年華金屬色雕花粉

今日我要update番佢地既色版, 我曾經話過可以做底色的, 以下就有一D Sample比大家睇睇個效果。呢個金屬效果有別於一般既閃底, 一般既閃會係一粒粒, 而佢係 "幼滑" 的, 上到甲之後會有點流沙效果, 所以做漸變一D問題都冇啊~!

呢套粉比較慢乾, 如果要用作雕花的話, 要等耐少少先至壓落去的, 秘訣係當你等緊佢乾時, 你支雕花筆就浸o係水晶水裡面Standby, 到夠乾比你雕時, 你才洗一洗支雕花筆抹乾筆才壓, 咁樣就會雕得乾乾淨淨唔痴筆架啦!

係咪我以下呢個Sample 養眼D呢~~~~~!!

以下呢套甲係用左Camden Baby I 既黃色, 再用呢個金屬雕花粉黎拉線既示範, 佢既金色線既反光位會隨住光線走動的。

做內藏花都一樣咁有立體感~!

做漸變亦超good!

"Camden Shining Baby I & II 閃亮寶貝" 淺色&深色系列, 呢套係懶人粉~!  點解咁講, 因為一粒攪掂曬, 粉裡面已經有大大少少既閃亮效果, 最多加少少銀色落Smile line就得, 你話係咪懶到飛起都仲靚得起? 趕時間一流~!!!

 

以下呢對係用左 Camden Baby I 既淺紫同 丁丁咁多 Baby II既深淺做出的。

以下呢套加左Camden Baby II 既深啡色做一邊角既示範。

以後睇色版記住入黎啦~~!