花兒愛作戰 & 家用甲及比賽甲一談

今日輪都輪到我啦~!  上一對清到冇乜野睇, 但由於佢真係冇咩野睇, 所以我都Keep到一個月!  從來未試過咁耐呢。

今次我做左個有少少迷彩Feel既底色, 但唔係綠綠啡啡版本, 係粉粉紅紅既版本。  呢期興 "盛女愛作戰", 成為城中熱話, 所以我都做左呢期既熱門話題, 但我已嫁左人婦, 冇盛女可做, 就o係呢個有少少War game feel 既底色上可愛一點, 加一朵大大的五瓣花啦~!  

大家見我既甲, 有時會有十指雕滿, 有時又會得一隻有花呢?  其實都關個底色事的, 如果大家做甲時, 個底色已經有花款, 有意境的話, 亦唔需要再做D乜野花架啦, 因為咁樣只會花上加花令人頭暈眼花, 所以會選其一, 如果花喱花碌既底色, 配上簡單線條既花就可以; 相反, 如果純純的底色, 你可以配層次多D既花, 咁樣個感覺先至會平衡的。

當然呢個標準係講緊係平時的 "家用甲" 而言, 但如果 "花款比賽甲", 就擺明係唔花唔得, 使出渾身解數將所有最耍家既野堆砌在一隻甲上, 非要令人嘩言不可。 但同時有一樣野都要留意, 就算比賽甲點花都好, 都要有主題的, 唔好要人估呢堆係乜野, 千萬唔好只有自己先知, 否則都係屣氣屣料屣功夫。

而今次我呢套 "家用甲", 個底色用左Camden 金屬雕花粉做出的, 其實我喜歡搵呢套粉做底色多於雕花, 因為暫時我仲未見過有一套色粉好似呢套咁, 擺上甲上會有流砂的幼細感覺, 而且Cover度很高, 用少少已經很出很搶眼~!    

是日材料:

EZflow Carnival (Dancing in the street 冰白, Carnival Queen 閃銀, Show me your beads白閃)
Camden Golden Time (粉紅, 紫, 銀灰)
大中小寶
EZflow 參賽白, Camden 白金色雕上五瓣花即成~!